كلنا بنمر بلحظات فرح ولحظات حزن لحظات جرح ولحظات حب لحظات فشل ولحظات نجاح
وزي ما كل البشر مش كاملين ولا مثالين الدنيا ولا الظروف عمرها كانت كاملة أو مثالية
وعمرها ما بتدي إلا ما بتأخد ودي طبيعية الحياه دوام الحال من المحال
لكن للأسف في ناس كتير مننا بتوقف حياتها عند لحظات معينه وبتدفن نفسها رغم أن الحياة بتدب في أنحاء جسمها وبترغم علي نفسها أنها
تعيش في قوقعه وتنعزل عن العالم رغم أن عمرها منتهاش ولسه عايشه علي وجه الارض مش معني أنك أتجرحت أتخنت أتظلمت أنك توقف حياتك وتحكم عليها بالأعدام
وكمان خد في بالك أنك لو مكنش ليك عمر أو نصيب أنك تعشها عمرك ما كنت هتفضل فيها وحكمك عليها
بالأنتهاء معناه أنك بتعترض علي قضاء الله ونصيبك وقسمتك ما هو أنت عمرك ما هتقدر قيمة الحلوإالا لما تدوق المر وتعيشه
عشان كده متوقفش حياتك مهما كان حجم الجرح مادام حياتك مستردهاش اللي خلقها يبقي لازم تعيش كل لحظة فيها بضمير ومتضيعهاش
أوعي تعيش نفسك في اللي فات لأن اللي بيفوت بينتهي بيموت لا عمره هيرجع ولا عمره هيتغير
ولو صعب عليك تنسي حاول تتناسي وتشغل نفسك بأي حاجه تبعدك عن التفكير في الفشل والالم
حاول تستخدم طاقتك في عمل إيجابي يحقللك السعاده
حاول تساعد اللي حواليك وتسعدهم ولما تشوف الفرح في عينهم نتيجة عملك قلبك هيحس بالفرح بجد
أفتكر دايما اللحظات السعيده زي ما بتتفتكر الحزن واللحظات التعيسه
أو الأشخاص اللي سببولك السعاده حتي لو كان لحظات سريعه
ألهي نفسك بهوايه أو عمل وحاول تحقق في تقدم وإنجاز
خلي عندك نظرة للتفائل نظرة للأمل نظرة بان الجاي أفضل بكتير من اللي عدا
أبني حياتك من جديد وحاول تصلح اللي أنكسر فيها
وأحلم ما هو طول ما أحنا عايشين لازم نحلم لان لو بطلنا نحلو فعلا نموت
لازم تكون أقوي من الجرح أقوي من الحزن أقوي من الفشل وتتغلب عليه
ومتعقدش تلوم نفسك واللي حواليك كتير الفعل أفضل من الكلام والكلام عمره ما بيغير لا القدر ولا الواقع
أنت بس اللي بأيدك هتقدر تغير كل حاجه لو كان عندك قوة إرداة
تعرف إن اللي بيأذي الآخرين أفضل منك لأنك لا بتأذي ولا بتصلح هدت قيمتك
وأنت اللي بأيدك هتختار لتعيش وحيد يخيم عليك تراب الزمن وتلقي عمرك عدي علي الفاضي وتندم بس ساعتها عمر ما الندم هينفعك ولا
هيرجع سنين عمرك اللي بأيدك ضيعتها
لتحارب فشلك وجروحك وحزنك وتبدأ من جديد أقوي من الأول لان مفيش حاجه هتجيلك وأنت قاعد في مكانك بتتفرج عايز السعاده عايز
النجاح يبقي لازم أجرب وأحارب عشان أحس بطعمهم
توماس أديسون عمل 999 محاوله قبل ما يخترع المصباح الكهربائي
كان كل محاولة فاشلة يعرف سببها أيه ويحاول يتجنب الغلط ده في المحاولة اللي بعدها
لحد ما خسر كل فلوسه والناس ضحكت عليه ووصفوه بالجنون ونجح في المحاولة الاخيرة
وكل اللي اتريقوا عليه انحنوا ليه تقديرا وتعظيما وهما مبقوش حاجه وهو بقي عالم اسمه راسخ من قرن لقرن حقق السعاده ليه وللبشرية
لازم تعرف ان السعاده بتتولد من رحم الحزن زي ما النجاح بيتولد من رحم الفشل
يا تري أنت هتختار أيه ؟؟؟؟
0 التعليقات:
إرسال تعليق