فضفض ونحلها سوا (لو عندك مشكلة أدخل هنا)

عندك مشكلة عندك مشكلة ايان كان كنت ذكر أو أنثي متقلقش فضفض قول اللي في قلبك

أحكلينا متردديش وأحنا علينا نساعدك لو نقدر في حل مشكلتك ؟؟؟؟؟؟؟؟؟؟ اضغط علي التعليقات أسفل الموضوع سيظهر نافذة منبثقة اكتب فيها تعليقك او مشكلتك

مهما كانت صعبة متكتمش جواك مفيش حاجه ملهاش حل لكل داء دواء منتظرين مشاكلكم في الموضوع ده تحياتي

أحب ولكن لا تستطيع كلماتي التعبير

أحب ولكن لا تستطيع كلماتي التعبير

الزوجة لزوجها : بقالك كتير يا حبيبي مقولتليش كلام حلو ما تقولي كلمة حلوة
الزوج : بسبوسة

الزوجة: لا أقصد كلمة تهزني
الزوج : مرجيحة

الزوجة: لا مقصدش برده أقصد تقولي كلمة تحسسني إني مراتك
الزوج: روحي وانت طالق

بعض الازواج والزوجات لا يمتلكون ملكة التعبير عن الحب والمشاعر بالكلمات

والبعض الاخر يجد صعوبة بالغة في ايصال احاسيسة الي الطرف الاخر أو الحديث عنها أو حتي وصفها

وقد يصل إلي حد الذهول واليأس لان الطرف الاخر ينكر عليه التقصير في حقة او

عدم الاهتمام به وهو في حقيقة الامر قد يكون عاشق من رأسة لقدمية ولكن لا

يستطيع التعبير بالكلمات وهذا ليس بيده

ولكن للأسف يعتقد الكثير منا أن الحديث أو الكلام هو الوسيلة الوحيدة للتعبير عن المشاعر ولكن أحب ان أقول لهم

أن اللسان هو وسيلة واحده فقط من الاف الوسائل التي تعبر عما يكمن بداخلنا من مشاعر أي أنها ليست الوسيلة الوحيدة أو الاخيرة

ولنعلم أن أساس التعبير عن الحب هو الافعال والتصرفات وليس الكلام فإذا لم

يكن الكلام مقترن بأفعال وتصرفات صريحة وواضحة ضاع كل ما له من قيمة وتأثير ولن ينفذ أبدا إلي قلب الطرف الاخر

فإذا كنت تحب ولا تستطيع كلماتك التعبير عن الحب فإليك وإليكي بعض التعبيرات البسيطة التي تقربك من زوجك او زوجتك

التعبير الاول : أحضر لها هدية وليس بالضروري أن تكون غالية الثمن بل يكفي أن تكون مجرد ورده وأكتب معها علي ورقة كلمة أحبك وضعها في مكان مرئي لها

دائما ولن تصدق سعادة الطرف الآخر بالهدية حتي لو كانت بسيطة لانها إيحاء بالاهتمام والحب والتقدير

وذلك دون أن تتفوة بكلمة واحده وإذا سألتك عن سبب هذه الهدية فأخبرها بأنها تعبيرا منك عن حبك لها وقد تجد بعد ذلك ان الكلمات تخرج منك دون أن

تشعر
التعبير الثاني : كثيرا منا يمتلك تليفون محمول فأختار أحدي الرسائل المحفوظة

والمعروفة والتي قد تحمل ما تريد وصفة أو الحديث عنه وأرسلها إليها ولا

تتعجب من كلامي فإنك ترسل لاصدقائك وأقاربك مثل هذه الرسائل التي تسعدهم وتشعرهم بالاهتمام فهي أيضا كذلك في نظر الطرف الآخر

التعبير الثالث الابتسام : فالابتسام عنوان المحبة وقديما قالوا تبسمك في وجه

أخيك صدقة ما بالك أن تبتسم في وجة من تحب عندما يفعل أشياء من أجلك وعندما يضحي لك ويرعاك فالابتسام أقوي وأغني من أي كلمة تعبر عن الشكر والعرفان
التعبير الرابع الصداقة : إذا أردات أن تجذب من تحب وتشعرة باهتمامك كن

صديقا قويا ومخلصا له مستوضعا لاسرارة ومصدر اطمئنانه وراحتة كن ذلك

البئر الذي يلقي بداخلة همة ويجد في أحضانة الدفئ فإن الحب والصداقة وجهان لعملة واحده

التعبير الخامس المشاركة الواجدنية : شارك من تحب في أعمالة أو في حياتة العامة

في الأشياء التي يحبها والتي يكرها فلا عيب ان يساعد الرجل المرأة ولو مرة كل فترة في الاعمال المنزلية وتساعد المرأة الرجل في توفير الراحة والهدوء والسكينةله

فهما نصفان يكمل كل منهما الاخر

التعبير السادس التشجيع : قم بدعم طرفك الآخر فيما يقوم من تصرفات أو

اعمال مهما كانت اختلافها وقف بجانبة وقت فشلة أو خوفة من عدم النجاح

فالرسول صلي الله عليه وسلم عندما اصاب بالرعب والفزع لنزول جبريل علية

لاول مرة في غار حراء لم يذهب إلي عمة أو أحد أقاربة ليهدئ من روعة بل ذهب

إلي زوجتة السيدة خديجة رضي الله عنها لأنة يعلم يقينا لا يساورة الشك بأنها أكثر شخص سوف يدعمة ويهتم لامره ويقف بجانبه وبالفعل كانت كلمات السيدة

خديجة واحساسها الصادق في حب زوجها سببا في تثبيت النبي صلي الله عليه وسلم

فتلك الأشياء البسيطة التي لن تكلفك وقت أو جهد كبير في التعبير عنها أقوي

وسائل في التعبير عن العاطفة الصادقة والمشاعر الرقيقة تجاه كل منا للطرف

الآخر وأيضا أكثر رونقا وجمالا ونفذا إلي قلب الطرف الاخر ومن الان فصاعدا ليس لك حجة في قول لا تستطيع كلماتي التعبير ودمتم بخير

هتجوزة يعني هتجوزة

هتجوزة يعني هتجوزة

يا بنتي ده أقل منك في المستوي العلمي والاجتماعي مش هتعرفي تتعاملي معاه بعد كده

ده كلام قديم معتش يمشي في زمنا أنا بحبة وهو بيحبني

الحب مش كل حاجه ومش هيقدر يمحي الفرق اللي بينكم

لاء الحب بيعمل المعجزات ولو متجوزتش براضكم هتجوزة غصب عنكم

ده مش كلام تخاريف ولا تأليف ده كلام طبيعي وبجد قوي وأنا واقفة مرة في البلكونة بتاعتنا

سمعت الجارة اللي جمبنا بتتشاكل مع بنتها صعبوا عليا

أقولت اروح أشوف الحكاية أية يمكن أقدر أساعدهم روحت للجارة وقلتي بنتها الحكاية

باختصار كده من غير لف ودوران هي عايزة تتجوز واحد أهلها مش موافقين عليه

وسبب الرفض أنه مختلف عنها في الدرجة العلمية والمستوي الاجتماعي يعني هما من بيئتين

اجتماعيتان مختلفين خالص بس هي متصورة أن الحب ممكن يمسح التناقض والحدود اللي بينهم طلبت منها

تسمعني لعلي وعسي تلقي معاياالحل

يا حبيبة قلبي أسمعني وأفهمني كويس ومستعجليش

الحب أجمل شئ في الحياة هو سر الحياة والوجود مشاعر رقيقة وجميلة بس استوب هنا الحب مش مجرد

كلام ناعم الحب إحساس وفعل وتفاهم وتوافق بين طرفين أهم حاجه التفاهم والتوافق وده الحب

الحقيقي واللي غير كده مجرد خيالات بلاش نخلي مراية الحب عمية لاء خليها مفتحة خليها تشوف

الحقيقة بكل حذافيرها وأبعادها التناقض والاختلاف في المستوي الاجتماعي مش بيبان قبل الزواج

خصوصا في فترة الخطوبة لأن الفترة دي بعيدة عن المعاشرة والاختلاط في المشاكل كلها أحلام وردية

جميلة بس بعد الجواز بقي بيبان كل حاجه لما تبدئي تدخلي في مشاكل وتلقي التناقض في طريقة

حلها واللي ممكن يكبر المشكلة بينكم ويخليه مشاكل مبتنتهيش

ده كمان اختلاف البيئة هياثر في طريقة التعامل سواء بينكم أو بينكم وبين الناس أنت

بتتعاملي بطريقة عاوزة يكون زيك وهو بيتعامل بطريقة لا تتناسب مع طريقتك ورقيك فتحصل

مشاكل تاني وتلت ده غير إنك هتبقي محتاجة منه مطلبات هو مش يقدر يفهمها ولا يستوعبها وهو

كمان هيحتاج منك مطلبات مش قادرة تفهميها بحكم اختلاف البيئتين لا أنت هتعرفي ترضية ولا هو

هيعرف يرضيكي فيحصل بينكم جفاء وفجوة تبدأ تكبر واحده واحده لحد ما تدمر حياتكم ويتمسح

الحب اللي بينكم بأستيكة
لسه مش مقتنعه بكلامي وبتقوليلي هتتجوزية غصب عن اهلك رغم إنك عارفة ان رضي الوالدين من

رضي الله عز وجل حتي لو وحشين مادام ده مبيوصلش لمعصية وأنهم عندهم خبرات وتجارب اكتر منك

وبيفهموا اكتر منك ميت مرة وأكيد بيتمنولك الخير والسعاده يبقي نسمعهم براحه وبالعقل هي مش

عافية وأعرفي أن معظم الجوزات دي بتنتهي بحالتين الفشل وعدم التفاهم او الانفصال والطلاق ومش محتاجه
اوريلك أمثلة امسكي بس جرنل الحوداث وأنت هتلقي قيه مصايب متعلقة بالموضوع ده بلاش أسالي

اللي عملوا كده قبلك واتفرجي علي حياتهم وشوفي ازاي بقيت جحيم وافتكري انك مش هتجني علي

نفسك بس انت هتجني علي جيل من غير ذنب وتعيشة في مشاكل واضطربات ويمكن يطلعوا شخصيات غير

سوية حكمي عقلك قبل عاطفتك وأعرفي ان صعب واحد يبني بيت من مجرد فكرة وخيالات من غير اساسات

لان عمرة ما هيكون ليه أي وجود في الواقع ,ارجعي لله واسالية يهدي قلبك للي يحبة ويرضاة

واوعي تفكري تعصي اهلك او تغضبيهم لان رضي الوالدين من رضي الله لو عملتي كده عمرة ما هيوفقك في حياتك

وخلي بالك أن الطبع دايما بيغلب التطبع طيب بدل ما احب واحد مش مناسب لي ليه مدورش علي

اللي يناسب طبيعتي وشخصيتي ليه اعرض نفسي لكل ده
في النهاية أحب أقولك أن فعلا التعلق باي انسان صعب بس حكمي عقلك قبل ما يفوت الأوان

وتندمي ,اعرفي ان اللي فات مبيرجعش والجواز مش لعب عيال ده مسئؤلية وقبل ما تفكري في نفسك

اللي هتجني عليها فكري في حياتك اللي بايدك هتدمريها واهلك اللي هتحزنيهم عليكي وأطفالك اللي ملهمش أي ذنب وحطي في اعتبارك ان في العجلة الندامة وفي التأني السلامة ودمتم بخير

بعض ما نشر لي في المجلات : متجدد

في مجلة بحلقة : أحب ولا تستطيع كلماتي التعبير

في مجلة بحلقة : مطلقات أوف لاين

في مجلة بحلقة : عروسة للبيع

عروسة .... للبيع

عروسة ....... للبيع

بيني وبينكم كده يا بنات في موضوع مضايقني من فترة بس للأسف أنا اكتشفت أن الموضوع ده مش حالة فردية ده طلع حاله جماعية

وعشان كده هتكلم بحرية ما أحنا طلعنا في الهوا سوا والحمد لله

أنا صحيت فجأة كده بصيت في المرايه لقيت نفسي علي حافة العشرين وما إدراك ما العشرين ده الأيام بتجري جري ومامتي صحية

الصبح أول مرة تقولي صباح الخير يا عروسة لاء بقي ده الموضوع في إن وأخواتها كمان

بعد صراع ومعاناة ما أنتم عارفين الأمهات شمت ريحة عريس في الموضوع يا فاتح يا عليم يا رزاق يا كريم وكمان هيجي بكرة هو و

مامته عشان يعينوا البضاعة فكرت أعمل زى سعاد حسني في الفيلم بس خوفت العريس يجيلة انهيار عصبي وتتقلب من جوازه لجنازة

وبعد ضغط علي أعصابي وغصب علي نفسي لحد ما بقت منخيري في أفايا قعدت مع العريس

والأستاذ المبجل ومامته كريمة الشرف والعفاف فصصوني أسئلة أسئلة أسئلة جبتي كام في الثانوية العامية ؟ مش عارفه أشمعنا

السؤال ده يمكن مامته هتستلفهم وتخش بيهم كلية الطب هواياتك أيه؟ بتعرفي تطبخي ولا لاء لحد ما عرفوا صابع رجلي الصغير مقاسه كام

وبعد كل ده حماتي المصونة قلتلي طيب يا بنتي أدينا يومين نفكر ونرد عليك

طبعا صاحبتكم سمعت الكلمة من هنا وشاطت من هنا ولمعرفة اللي حصل للعريس بعد كده أنظروا جريدة الحوادث ص1

جواز الصالونات موضوع بقي صعب قوي في مجتمعنا رغم التحضر والتقدم والحرية اللي حصلت عليها البنات واللي

مكنتش موجودة

قبل كده بس للأسف الموضوع ده بقي منتشر قوي وخصوصا بين البنات المحافظين أو اللي بيرفضوا الصحوبية بين البنت والولد لكن

مش ده موضوعنا الأساسي لأن ده صح وكمان مش هغير نظرتهم المحافظة دي لأي سبب

المشكلة الأساسية الطريقة اللي بيتم بيها التعارف واللي في نظر كتير من الأهالي صح وهي في الحقيقة بتحول البنت

لمجرد سلعة

وتهدر من كرامتها ويمكن تشعرها بالنقص أو تسبب ليها عقدة لو حضرة العريس المحترم معجبتوش البضاعة

طيب ليه منستخدمش طرق أفضل من كده حافظا علي كرامة البنت ومتسبش كمان

إحراج للطرفين

أن ممكن لو الشخص ده بيتقدم عن طريق حد معرفة الأهل يطلبوا من الشخص المعرفة أنه يعمل عزومة أو حفلة صغيرة

لأي سبب

بدون علم البنت أن ده عريس ويجمع بين الطرفين ويفتح قدامهم ساحة للحوار والتعارف ولو العريس عجبتة البنت

يتقدم ولا معجبتوش

محصلش أي حاجه تمسها

وممكن فكرة تانية كمان الام تاخد بنتها في أي مكان عام زي النادي مثلا وتتفق مع الشخص اللي عاوز يتقدم ومامتة انهم يقبلوها

ويجي الموضوع كانه صدفه قدام البنت كأن بين الامهات معرفة سابقة قديمة ويعقدوا مع بعض ويتعارفوا لو في قبول يتقدم لو مفيش

برده الموضوع خلص من غير إحراج أو مشاكل

دي فكرة بسيطة ممكن يتبني عليها طرق كتير جدا حسب ظروف كل شخصية

بعيدة عن المشاكل واهدار كرامة البنت والاحساس بأنها مجرد سلعة وكمان بتعزز من شأنها ده بالإضافة أنها تبعد عنها الإحساس

بالنقص إذا العريس عجبها وهي معجبتوش لان البنت في المواضيع دي بتكون حساسة جدا اكتر

من الولد كمان لأن الولد عموما لما بيجي يتقدم لأي

بنت بيبقي

متوقع منها الرفض أو القبول بس صعب قوي يحصل العكس وفي كمان نقطة مهمة قوي في الموضوع ده الخطوبة

القصيرة دي ممكن

تبقي مشكلة كبيرة جدا بعد الجواز لان الخطوبة عموما بتخلي الطرفين يتعرفوا

علي بعض أكتر ويعرفوا مطلبات بعض

اكتر ويحددوا إذا

كان في تفاهم أو توافق ولا لاء لكن الخطوبة القصيرة بتقطع علي الطرفين كل ده لو اكتشفت بعد الجواز

أن الشخصية دي مش مناسبة أو في عيوب متقدرش تستحملها

فتحصل مشاكل مبتنتهيش ويمكن تنتهي بالانفصال وأكيد أنتم عارفين وضع

المطلقات في مجتمعنا شكله أيه والمجتمع بيبص للمطلقات

ازاي كأنهم وصمة عار وتفاديا لكل المشاكل اللي ممكن يسببها جواز الصالونات لازم نفكر صح وبراحة عشان منندمش بعد فوات

الأوان ودمتم بخير

بقلم :
مريم ممدوح شلبي