? ??????????????It's Raining Love? ????? ?? ???Rating: 4.5 (6 Ratings)??4 Grabs Today. 3445 Total Grabs. ?
?????Preview?? | ??Get the Code?? ?? ?????For All Times? ????? ?? ???Rating: 5.0 (2 Ratings)??4 Grabs Today. 2931 Total Grabs. ??????Preview?? | ??Get the Code?? ?? ???????????? ???? BLOGGER TEMPLATES AND TWITTER BACKGROUNDS ?

a woman from romantic time

إذا أردت شئ بقوة فأطلق سراحه فأن عاد إليك فهو ملك إان لم يعد فهو لم يكن لك من البداية

الاثنين، 6 يوليو، 2009

هتجوزة يعني هتجوزة



هتجوزة يعني هتجوزة

يا بنتي ده أقل منك في المستوي العلمي والاجتماعي مش هتعرفي تتعاملي معاه بعد كده

ده كلام قديم معتش يمشي في زمنا أنا بحبة وهو بيحبني

الحب مش كل حاجه ومش هيقدر يمحي الفرق اللي بينكم

لاء الحب بيعمل المعجزات ولو متجوزتش براضكم هتجوزة غصب عنكم

ده مش كلام تخاريف ولا تأليف ده كلام طبيعي وبجد قوي وأنا واقفة مرة في البلكونة بتاعتنا

سمعت الجارة اللي جمبنا بتتشاكل مع بنتها صعبوا عليا

أقولت اروح أشوف الحكاية أية يمكن أقدر أساعدهم روحت للجارة وقلتي بنتها الحكاية

باختصار كده من غير لف ودوران هي عايزة تتجوز واحد أهلها مش موافقين عليه

وسبب الرفض أنه مختلف عنها في الدرجة العلمية والمستوي الاجتماعي يعني هما من بيئتين

اجتماعيتان مختلفين خالص بس هي متصورة أن الحب ممكن يمسح التناقض والحدود اللي بينهم طلبت منها

تسمعني لعلي وعسي تلقي معاياالحل

يا حبيبة قلبي أسمعني وأفهمني كويس ومستعجليش

الحب أجمل شئ في الحياة هو سر الحياة والوجود مشاعر رقيقة وجميلة بس استوب هنا الحب مش مجرد

كلام ناعم الحب إحساس وفعل وتفاهم وتوافق بين طرفين أهم حاجه التفاهم والتوافق وده الحب

الحقيقي واللي غير كده مجرد خيالات بلاش نخلي مراية الحب عمية لاء خليها مفتحة خليها تشوف

الحقيقة بكل حذافيرها وأبعادها التناقض والاختلاف في المستوي الاجتماعي مش بيبان قبل الزواج

خصوصا في فترة الخطوبة لأن الفترة دي بعيدة عن المعاشرة والاختلاط في المشاكل كلها أحلام وردية

جميلة بس بعد الجواز بقي بيبان كل حاجه لما تبدئي تدخلي في مشاكل وتلقي التناقض في طريقة

حلها واللي ممكن يكبر المشكلة بينكم ويخليه مشاكل مبتنتهيش

ده كمان اختلاف البيئة هياثر في طريقة التعامل سواء بينكم أو بينكم وبين الناس أنت

بتتعاملي بطريقة عاوزة يكون زيك وهو بيتعامل بطريقة لا تتناسب مع طريقتك ورقيك فتحصل

مشاكل تاني وتلت ده غير إنك هتبقي محتاجة منه مطلبات هو مش يقدر يفهمها ولا يستوعبها وهو

كمان هيحتاج منك مطلبات مش قادرة تفهميها بحكم اختلاف البيئتين لا أنت هتعرفي ترضية ولا هو

هيعرف يرضيكي فيحصل بينكم جفاء وفجوة تبدأ تكبر واحده واحده لحد ما تدمر حياتكم ويتمسح

الحب اللي بينكم بأستيكة
لسه مش مقتنعه بكلامي وبتقوليلي هتتجوزية غصب عن اهلك رغم إنك عارفة ان رضي الوالدين من

رضي الله عز وجل حتي لو وحشين مادام ده مبيوصلش لمعصية وأنهم عندهم خبرات وتجارب اكتر منك

وبيفهموا اكتر منك ميت مرة وأكيد بيتمنولك الخير والسعاده يبقي نسمعهم براحه وبالعقل هي مش

عافية وأعرفي أن معظم الجوزات دي بتنتهي بحالتين الفشل وعدم التفاهم او الانفصال والطلاق ومش محتاجه
اوريلك أمثلة امسكي بس جرنل الحوداث وأنت هتلقي قيه مصايب متعلقة بالموضوع ده بلاش أسالي

اللي عملوا كده قبلك واتفرجي علي حياتهم وشوفي ازاي بقيت جحيم وافتكري انك مش هتجني علي

نفسك بس انت هتجني علي جيل من غير ذنب وتعيشة في مشاكل واضطربات ويمكن يطلعوا شخصيات غير

سوية حكمي عقلك قبل عاطفتك وأعرفي ان صعب واحد يبني بيت من مجرد فكرة وخيالات من غير اساسات

لان عمرة ما هيكون ليه أي وجود في الواقع ,ارجعي لله واسالية يهدي قلبك للي يحبة ويرضاة

واوعي تفكري تعصي اهلك او تغضبيهم لان رضي الوالدين من رضي الله لو عملتي كده عمرة ما هيوفقك في حياتك

وخلي بالك أن الطبع دايما بيغلب التطبع طيب بدل ما احب واحد مش مناسب لي ليه مدورش علي

اللي يناسب طبيعتي وشخصيتي ليه اعرض نفسي لكل ده
في النهاية أحب أقولك أن فعلا التعلق باي انسان صعب بس حكمي عقلك قبل ما يفوت الأوان

وتندمي ,اعرفي ان اللي فات مبيرجعش والجواز مش لعب عيال ده مسئؤلية وقبل ما تفكري في نفسك

اللي هتجني عليها فكري في حياتك اللي بايدك هتدمريها واهلك اللي هتحزنيهم عليكي وأطفالك اللي ملهمش أي ذنب وحطي في اعتبارك ان في العجلة الندامة وفي التأني السلامة ودمتم بخير

2 التعليقات:

Dido Bido يقول...

هو طبعا كلام مظبوط جدا وكلامك كله صح بس اكتر حاجة ككمان ممكن تدمر العلاقة دى انها بيكون ربنا مش راضى عنها علشان كدا حتى لو كانوا على مستوى مادى واحتماعى واحد
انا بجد بقولك رأى وياريت تتقبله
انه بيبقى غلط وبيحصل فيه مشاكل كتير جدا واللى بدايه غلط بتبقى نهايته غلط وياريت كل بنت تفكر كويس قبل ما تدخل فى اى قصة حب لانها فى معظم الحالات تهايتها بتكون مش حلوة وانتى اللى بتتعبى كتير والولد عادى جدا مش بتفرق معاه كتير ولا ولن فى زمانا ده لا بقت البنت بتفرق معاه ولا الولد ودى ظاهرة غريبة جدا ان هما الاتنين بيكونوا بيسلوا وبرده ربنا مش بيبارك للبنت اللى بتطون كدا ولا الولد وبيكرمهم كل واحد فيهم بشخص يخليهم يندموا على كل حاجة عملوها فى حياتهم انا عارفةان كلامى صعب بس ده اللى انا شايفه دلوقتى

مريم ممدوح شلبي يقول...

دودو شكرا لمشاركتك الجميلة فعلا كلامك مضبوط ومش صعب ولا حاجه
احنا بنحاول نفهم البنات الافكار الغلط لانهم للأسف كتير منهم فهم الانفتاح بطريقة غير صحيحة وبدأت تتمادي في تصرفاتها بطريقة لا يتقابلها مجتمع ولا دين بس احنا كلامنا عن المستوي الاجتماعي والفارق اللي بيعملة بصفة عامة مش علاقة الحب يعني علاقة الارتباط والجواز وموضوع الحب ده برده هيأتي الكلام علية في موضوع منفصل ان شاء الله عن مفهوم الحب بطريقة عامة وازاي يكون صح وازاي يكون غلط
مرسي يا جميل لمرورك منورة